As Goaßn-Spui: Gschleckt wia im echt’n Leb’n

„Griabig: So a boa Leid bringan a Spui aussa, da kannst so doa, ois warst a echte Goaß! Bei de Preiß’n hoasts auf nei-deitsch „Goat-Simulator“ und damit’s de a vastenga stehts a so a auf da Packung drobn. Jetzt woast as und konnst in Lodn geh und des Spui boid kaffa.

Wea scho amoi mit oana Goaß gschmust hot, woaß, daß de Viecha sauber hinterfotzig san. Z’erst schaungs de mit eanane Glubscheigerl o und dean recht siaß, aber in Echt sans richtig gscheade Mistpritsch’n, de uns gscheid oans auswisch’n woin. Oane vo de Goaßn is davoglaffa und richt mit ihre Heana und da Zunga a saubers Chaos o. Wia a Woizn haut’s ois kuaz und kloa, wos ihra in Weg kimmt. Bsonders kritisch werds, wenns ihrn bappadenden Plätschel aussahänga lasst und überoi umanandaschleckt – aber ned so wia beim Goaßn-Beda auf da Oim…“

Wennst scho amoi oschaung mogst, wia des ganze ausschaugt, druckst auf den Link drauf: https://www.youtube.com/watch?v=dvWGLcdI8o8&list=UUnXVz_l-_r_sLXNe1ESDhHA.

[Pressemitteilung^^]